Seulda Azərbaycanın turizm imkanlarına dair tədbir keçirilib

Azərbaycan Turizm Bürosunun təşkilatçılığı və Azərbaycanın Koreya Respublikasındakı Səfirliyinin dəstəyilə Seulda ölkəmizin turizm potensialı, üstünlükləri və imkanlarına həsr olunmuş şəbəkələşmə tədbiri keçirilib.

Səfir Ramin Həsənov tədbirdə çıxış edib. O, yaxın gələcəkdə Azərbaycan və Koreya arasında turizm əlaqələrinin genişlənəcəyinə inamını ifadə edib.

Tədbir iştirakçılarına Azərbaycanın turizm layihələri, bu sahədə beynəlxalq əməkdaşlığı, ölkəmizin turistik görməli yerləri, turizm infrastrukturu barədə ətraflı məlumatlar verilib.